Queen Центар за јазици


Центарот за јазици Queen постои од 1992 година. Queen центарот за јазици организира курсеви по англиски, германски и албански јазик како и македонски за странци. Од 2006 центарот е акредитиран од Македонската асоцијација за квалитет во наставата по странски јазици (МАКС). МАКС е асоцијативен член на Европската асоцијација за квалитет во наставата по странски јазици (EAQUALS) и е формирана по пример на EAQUALS, а поддржана од Британскиот Совет (BC).


Наставата во центарот се одвива во сопствени простории на улица Народен Фронт 5-II/5 во Капиштец.
Центарот е опремен со аудио и видео опрема, интерактивна табла, библиотека, многу постери, и флешкарти за подобрување на наставата.
Учебниците кои се користат се оригинални и се од англиски и германски издавачки куќи.
Од 2007 година центарот почна со имплементирање на Европското јазично портфолио за возрасни (16+) кое е координирано од Советот на Европа за да даде признание на учењето јазици на сите нивоа. Центрите во МАКС за првпат го применуваат ова портфолио и се поддржани од Британскиот Совет.
Наставата се одвива во групи, парови или индивидуално. Групите се од три до осум слушатели. Часовите по општ англиски и германски се двапати неделно по 45 минути за предучилишни и подготвителни курсеви. 2x60 минути за детски и гимназиски курсеви и 2x90 минути за возрасни, бизнис курсеви и меѓународни испити.
За да се доловат англиската и германската култура и традиција се слават сите англиски и германски празници заедно со македонските.

Активности за учениците

Самите ученици учествуваат во наставата преку правење на најразлични проекти кои се дел од материјалот или проекти поврзани со празниците.
Доколку има можност и интерес може да се организираат екскурзија во Лондон.
Центарот нуди и преведување од англиски, германски, српски , хрватски и албански јазик на македонски јазик и обратно.
Од 2013 година училиштето е член на Сојузот на Стопански Комори на Македонија како дел од Работната Група за Квалитет во наставата по странски јазик.